Արյան հիվանդություններ. armeniamedicalcenter.am

Արյան հիվանդությունները մեծ խումբ են կազմում, որոնք կապված են արյան բջիջների կառուցվածքի տարբեր խանգարումների /էրիթրոցիտներ, լեյկոցիտներ, թրոմբոցիտներ/, նրանց չափից բարձր կամ ցածր քանակի, արյան պլազմայի խնդիրների հետ:

Արյան բոլոր հիվանդությունները վտանգավոր են առողջության և կյանքի համար:

Ժամանակին մասնագիտական օգնություն չստանալը կարող է բերել հիվանդության բարդացման, նրա լիարժեք բուժման անհնարինության, անգամ մահվան:

Արյան հիվանդությունների տեսակները.

• Անեմիա - արյան մեջ ցածր է էրիթրոցիտների քանակը
• Լեյկոցիտոզ –արյան մեջ լեյկոցիտների մեծ քանակ /տարբերում են արյան սպիտակ գնդիկների ֆիզիոլոգիական և պաթոլոգիական բարձրացում/
• Լիմֆադենոպաթիա – լիմֆատիկ հանգույցների մեծացում
• Թալասեմիա – էրիթրոցիտների արագացած քայքայում, կապված հեմոգլոբինի սինթեզի խանգարման հետ:
• Հեմոռագիկ դիաթեզներ – պայմանավորված են հեմոստազի խանգարմամբ, արտահայտվում են արյունահոսության բարձր հակումով: Տարբերում են առաջնային /ժառանգական/ և երկրորդային /ձեռքբերովի/ տեսակները
• Թրոմբոցիտոպենիաներ – թրոմբոցիտների ցածր քանակ արյան մեջ՝ դրանց քայքայման կամ քիչ արտադրման հետևանքով
• Թրոմբոցիտոզ – թրոմբոցիտների մեծ քանակ արյան մեջ: Լինում է առաջնային և երկրորդային
• Հեմոֆիլիա – ժառանգական հիվանդություն է, որով հիվանդանում են միայն տղամարդիկ: Արյան մեջ որոշակի սպիտակուցների բացակայության հետևանքով արյունը գրեթե ընդունակ չէ մակարդվելու:

Ախտորոշումը

Արյան հիվանդությունների ախտորոշման համար անհրաժեշտ է.

• Արյան ընդհանուր հետազոտություն
• Միելոգրամա
• Իմունոհեմատոլոգիայի հետազոտություն՝ էրիթրոցիտների նկատմամբ հակամարմինների հարաբերակցության որոշում

Արյան յուրաքանչյուր հիվանդություն պահանջում է առանձնահատուկ մոտեցում և բուժում:

Արյան հիվանդությունների կանխարգելումը

• Առողջ ապրելակերպ
• Ճիշտ սնունդ
• Գերսառեցման և գերտաքացման բացառում
• Մաքուր էկոլոգիա՝ թունավոր նյութերի ազդեցության նվազեցում
• Ինֆեկցիոն և պարազիտար հիվանդությունների ժամանակին բուժում:

Հարցեր, պատասխաններ, մեկնաբանություններ